{секој ВТОРНИК и ЧЕТВРТОК од 10.00 до 11.15 во Центар СИНО, ул. Борка Талески 26/8-33 (во близина на ОУ Ј.Х. Песталоци), 1 000 Скопје}

Раздвижете го телото, зашто телото што е во движење може да ги придвижи неподвижните аспекти од Вашиот живот!

Смирете го умот, зашто во смиреноста се кријат одговорите на Вашите прашања!

Вложете во себе радост, здравје и позитивна енергија!

САКАМЈОГА ЧАСОВИТЕ ПРЕТСТАВУВААТ КОМБИНАЦИЈА НА ХАТА, ЈИН И ТРАНСФОРМАТИВНА ЈОГА.

Хата јога е комбинација на физички вежби (асани), вежби за дишење (пранајама) и техники за опуштање. Телесната и психичката опуштеност овозможуваат правилно изведување на јога вежбите. Единствено во тие моменти на опуштеност можат да се почувствуваат вистинските ефекти од асаните.

Јин јога претставува медитативен тип на јога кадешто главен акцент е ставен врз истегнување на сврзното ткиво, тетивите и лигаментите. Задржувањето во асаните трае од три до пет минути, при што се постигнува длабок внатрешен мир и опуштеност.

Трансформативна јога применува специфични техники и знаења со цел опуштање, прочистување и активирање на енергетските центри на физичкото, емоционалното, менталното и духовното тело.

Во Трансформативна јога се применуваат јога положби (за прочистување на физичкото тело) при што посебно внимание им се посветува на техниките на дишење (за прочистување на емоционалното тело), како и на специфичните звуци и вибрации (за прочистување на менталното тело).

Часовите се наменети за сите нивоа на јога практика.

{ПРИЈАВУВАЊЕ, РЕЗЕРВАЦИИ (*групата се состои од максимум 15 члена) и повеќе информации за часовите на raduvajse.wordpress.com, raduvajse@gmail.com или во inbox на СакамЈога}