Развивање отпорност на стрес

Стресот кај одредени луѓе предизвикува физички, додека кај други предизвикува ментални и емоционални реакции. За да ги избегнеме таквите манифестации важно е да изградиме отпорност. Во тоа можат да ни помогнат ефикасните техники за управување со стресот и со емоциите.

Кога немаме контрола над самите себе лесно влегуваме во негативна стресна состојба (која освен што негативно влијае на нашето здравје, негативно влијае и на нашиот приватен и професионален живот).

Доколку сакате подобро да управувате со стресот и со емоциите за почеток е важно да ги освестите своите негативни реакции и да увидите како Вашите тело и ум реагираат во стресни ситуации.

Ако сте склони кон негативно размислување можете да ја примените техниката на позитивен внатрешен самоговор. Техниките за дишење и опуштање ќе Ви помогнат во смирување на телото и во здобивање на контрола над сопствените емоции, доколку сте повеќе склони кон физичките знакови на стрес.

Техниките за управување со стрес се навистина добри, но се делотворни само доколку редовно ги применувате.

Секој од нас различно реагира на стресните ситуации. Важно е да ги препознаеме сопствените негативни реакции и да научиме со нив да управуваме.

Менталната цврстина е одлика на луѓето кои успешно управуваат со стресот, емоциите  и со сопственото однесување независно од неповолните ситуации. Доколку и самите сакаме да бидеме ментално цврсти, треба да се фокусираме на нештата кои се во доменот на нашата контрола. Освестувањето на внатрешниот самоговор и говорот се првите чекори во преземањето на контрола.

Важно е да препознаеме што се наоѓа во кругот на нашето влијание. Она што можеме да го контролираме се нашите емоции, ставовите, нашето однесување, ангажманите, внатрешниот самоговор и говорот. Она што не можеме да го контролираме се туѓите емоции, ставови, однесувања, мисли и размислувања.

Техники на дишење

Стомачно дишење

Стомачното дишење се препорачува во сите вежби за длабоко опуштање. Тоа го вклучува користењето на дијафрагмата која се подигнува и спушта при процесите на вдишување и издишување. На тој начин се овозможува ефикасно дишење, подобра релаксација и брзо опоравување од напор.

Вежбата се изведува на тој начин што едната дланка се става на стомакот, а другата на градите. Со вдишување најпрво воздухот го носите до стомакот, го испакнувате стомачниот ѕид умерено и го исполнувате стомакот со воздух. Потоа постепено ги исполнувате со воздух и долниот, средниот и горниот дел на градите.  При издушување најпрво издишувате од горниот дел на градите, па средниот и долниот дел на градите и на крај, благо вовлекувајќи го стомачниот ѕид, го истиснувате/издишувате воздухот од стомакот.

Вежбајте 5-10 минути. На почетокот вежбајте во лежечка положба, а подоцна вежбата може да се применува и во седечка положба.

Продолжено издишување

Вежбата се изведува на тој начин што воздухот се вдишува преку носот, а се издишува преку носот или устата. Следете го своето дишење и обидете се секое издишување да го направите малку подолго од вдишувањето. Во процесот на дишење е вклучен и стомакот. Обидете се да направите едно вдишување преку носот и два пати подолго издишување, во однос на вдишувањето. За ефектот на опуштање да биде целосен, визуелно, со различни бои обојте го вдишаниот и издишаниот воздух. Можете да замислувате дека вдишувате воздух во сина боја и како сината боја поминува низ целото тело и го опушта, додека воздухот кој го издишувате обојте го во црвена боја и како црвената боја го ослободува телото од напнатоста и стресот.

Вежбајте 5-10 минути во лежечка или седечка позиција.

Како да ги прекинете негативните мисли?

За да го прекинете негативниот самоговор потребно е да научите како да го замените со позитивен. Еден од начините е процесот на прекинување на мислите:

  1.  чекор: Освестете ги негативните мисли!
  2.  чекор: Сами на себе кажете си: “Стоп!”
  3.  чекор: Заменете ги негативните мисли со позитивни!

На почеток обидете се да водите дневник во кој ќе ги запишувате своите негативни мисли – кои на хартија лесно ќе можете да ги замените со позитивни. Со доволно вежбање и истрајност по некое време навистина ќе успевате, и без помош на дневникот, да ги прекинувате негативните мисли.

 

Ви благодариме што го прочитавте написот за важноста на опуштањето во секојдневието, како и совладувањето на техники за справување со стресот и стресните ситуации. Слободно споделете го со други и искоментирајте подолу!

Напишете коментар

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s